rencontre, DXCVIII

Petit mouflard, petit con rebondy
Petit connin plus que levrier hardy,
Plus que le lyon au combat courageux
Agille et prompt en tes follastres jeux,
Plus que le singe ou le jeune chaton,
Connin festu de ton poil folastron,
Plus riche que la toison de colcos
Connin grasset, sans harestes, sans os
Friant morceau de nayfve bonté
O joli con bien aasis haut monté,
Loin de dangier et bruyt de ton voisin,
Qu’on ne prendroit jamais pour ton cousin.
Bien embouché d’un bouton vermeillet,
Ou d’un rubis servant de fermaillet
Joinct et serré, fermé tant seullement
Que ta façon ou joly mouvement,
Soit le corps droict, assi, gambande, ou joue,
Si tu ne fais quelque amoureuse moue ;
Source d’amour, fonteine de doulceur,
Petit ruysseau appaysant toute ardeur ;
Mal et langueur : ô lieu solacieux,
Et gracieux sejour delicieux,
Voluptueux plus que tout autre au monde ;
Petit sentier qui droict maine à ma blonde
Excellente main, et souverain plaisir
Offert à mon doigt qui ton grand desir
Contentera, quand prendre te pourra,






Et toy de moy plainement jouyra