Quaeris, quot mihi basiationes
tuae, Lesbia, sint satis superque...
Quam magnus numerus Libyssae harenae
lasarpiciferis iacet Cyrenis
oraclum Iovis inter aestuosi
et Batti ueteris sacrum sepulcrum
aut quam sidera multa, cum tacet nox
furtiuos hominum uident amores
tam te basia multa basiare
uesano satis et super Catullo est
quae nec pernumerare curiosi
possint nec mala fascinare lingua...
Articles
Aucun commentaire:
Enregistrer un commentaire